D ereduko kirola

2016an definitu eta abiatu zen proiektua  −2016-2018 aldirako− eta bi helburu nagusi izan ditu: batetik, begirale eta entrenatzaileen jarduna euskaraz izango duen kirol-aisialdi antolatu bat modu esperimentalean eratzea arloko eragileekin. Bestetik, “D ereduko kirol” horren eraketa-prozesuaren eta bertan parte hartzen duten eragileen ahots ezberdinen gaineko ikerketa egitea; helduena (guraso, ikastetxe, udal, klub...) eta batez ere haur eta gazteena (jardueretako partaideak zein begiraleak). Proiektu honek honako partaideak izan ditu:  EHUko ikerlariak, bi erakunde publikotako lankideak (GFA eta HPS) eta aisialdi arloko bi erakundetako kideak (Urtxintxa eta Topagunea), elkarren arteko lankidetza garatuz.

2017ko lan nagusia, kirol taldeetan entrenatzaile eta jokalariekin gauzatzeko moduko eskuhartze esperimental bat diseinatu eta hura hiru klubetako gazteekin aplikatzen hastea izan zen, 2016an abiatutako ikerketaren ondorioetatik abiatuz.

Diseinu horren bitartez, eta, oro har, proiektuan, eskuhartzea eta ikerketa uztartu izan dira, eta bide horretatik, haur eta gazteentzat euskarazkoak (D eredukoak, nolabait) izango diren kirol jardueretara hurbiltzeko bide eta modu berriak arakatu nahi izan dira, protagonisten ahotsak eta bizipenak hurbilagotik ezagutuz.

                               

 

Batzorde Teknikoko kide diren erakundeak:

     

Babesleak:

 

Laburpena esaldi batean: 
Haur eta gazteen euskarazko sozializazioa aisialdiko kirolean ikertzen eta zabaltzen.