Jendaurrean Erabili

Proiektu honen xedea jendaurreko komunikazioan euskara gehiago, hobeto edo eraginkorrago erabili nahi duten erakunde eta eragileei laguntzeko eta jardun hura errazteko bide eta bitartekoak antolatzea izan da.

Horretarako, batetik, “Praktika komunitate” bat abian egon da, izaera eta alor desberdinetako eragile sozial zein erakunde publiko eta pribatuen arteko elkar harremana sustatu eta euskarazko komunikazioaren inguruko esperientziak partekatu eta elkarrengandik ikasteko gune aktibo izan dena. Bestetik, prestakuntza saioak eskaini zaizkie proiektuko partaideei; komunikazioan, komunikazio digitalean eta berrikuntzan zein praktiken aldaketetan sakontzeko eta trebatzeko balioko dutenak.

Hau guztia, euskararen erabilera publikoa egunerokotasunean nola erraztu eta praktika horretan sor daitezkeen oztopoak nola gainditu ikasteko bitartekoa da. Gaur gaurkoz 25 erakunde baino gehiagok parte hartzen dute proiektuan.

Informazio gehiagorako: jendaurrean.eus

 

Jendaurrean Erabili proiektua. Lehen Fasearen txostena (2017ko apirila)

 

 

GIPUZKOA BERDINAGO:

2017an martxan jarri zen Gipuzkoako erakundeentzako garapen ildo berezitu bat Gipuzkoako Foru Aldundiaren lidergoarekin. Hainbat erakundek prozesu kolektibo batean hartu zuten parte, beren egoeraren diagnosia egin, kanpo erreferentziak ezagutu, praktikan jartzeko prest zeuden urratsak kontrastatu eta adierazpen bateratu bat osatzeko. 2017ko Azaroan aurkeztu zen erakunde multzo honen zoru-komuna jasotzen zuen idatzia: Hizkuntza-Berdintasunera begira, euskararen erabilera areagotzeko elkarrekin egiteko prest daudenaren bilduma.

 

 

 

 

Lankide:

Laguntzaile:

 

 

Babesle:

   

 

Laburpena esaldi batean: 
Erakundeen euskarazko komunikazio publikoan dauden oztopo eta zailtasunak gainditzen laguntzeko proiektua