Bartzelonan izan gara Hizkuntza Indigenen eta Eremu Urrikoen Biziberritzeari buruzko kongresuan

Apirilaren 19, 20 eta 21ean Hizkuntza Indigenen eta Eremu Urrikoen Biziberritzeari buruzko lehen nazioarteko kongresua egin da eta bertan izan dira Soziolinguistika Klusterreko bulego teknikoko lau kide.

Olatz Altunak kale neurketetarako metodologia aurkeztu du. Pablo Suberbiolak Jendaurrean Erabili proiektuaren nondik norakoak aurkeztu zituen. Belen Urangak, berriz, Garabideko beste kide batzuekin batera mahai inguru batean hartu zuen parte. Imanol Larreak hizkuntza jarrerei buruz bukatu berri duen tesiko hainbat emaitza landu zituen.

Mundu guztiko ehunka partaide ziren eta tartean baziren beste euskaldun batzuk ere, besteak beste: Iñaki Arruti, Beñat Garaio, Leire Diaz de Gereño, Itziar Aduriz, Itziar Idiazabal, Orreaga Ibarra, Paul Bilbao, Andoni Barreña eta Jon Sarasua.

 
Olatz Altuna eta Pablo Suberbiola