Lankidetza hitzarmena sinatu dute Etxepare Euskal Institutuak eta Soziolinguistika Klusterrak

Irene Larraza Etxepare Euskal Institutuko zuzendariak eta Imanol Larrea Soziolinguistika Klusterreko zuzendariak sinatu dute hitzarmena. Euskararen soziolinguistikaren inguruko ezagutzaren zabalpenean elkarlanean aritzea adostu dute bi erakundeek.

Euskal Soziolinguistika Jardunaldiaren hamargarren edizioa Bilbon azaroaren 6an

Andras Kornai aditu hungariarra Bilbon izango da hizkuntzen bizitasun digitalaren giltzarriak azaltzeko. Denbora berezia eskainiko zaie euskarak esparru horretan dituen erronkei. Euskal soziolinguistikan gauzatzen ari diren beste proiektu batzuk bertatik bertara ezagutzeko eta parte hartzeko aukera izango da, esaterako Hausnartu sarien banaketan, parte-hartze bidezko tailerretan edota Soziolinguistika Klusterraren erakusleihoan. Bilboko Udala eta Euskal Herriko Unibertsitatea dira edizio hau antolatzeko laguntzaileak. Gaur hasiko da izena emateko epea azaroaren 6an EHUko Bizkaia Aretoan egingo den Euskal Soziolinguistika Jardunaldiaren hamargarren edizioan parte hartu nahi dutenentzat.

 

"Ahozko komunikazioa irakastea" gidaliburuaren aurkezpena Eskola Hiztun Bila jardunaldian

Hezkuntza Sailak antolaturiko XXII. Eskola Hiztun Bila Jardunaldia egin da , Gasteizko Europa Jauregian, bi egunez (urriak 9 eta 10) “Normalkuntza proiektua garatzeko gako diren zenbait esparru” lelopean. ikastetxeetan hizkuntza normalkuntzaren arloan lanean ari diren 400 teknikari eta profesional inguruk eztabaidarako eta hausnarketarako unea izaN dute, eta baita esperientziak elkarrekin partekatzeko aukera ere.Josune Zabala eta Olatz Bengoetxeak jardunaldian parte hartu dute berriki argitaratutako Ahozko komunikazioa irakastea. Norabide bat ahozko hizkuntzaren argitan liburua aurkeztuz.

"Ahozko komunikazioa irakastea. Norabide bat ahozko hizkuntzaren argitan" liburua argitaratu da

2010etik 2014ra Tolosako ikastetxeetan egindako ikerketatik ateratako ondorioetan oinarritzen da liburu berria. Ikasgelan, ahozko hizkuntza irakatsi nahi duenari proposamena egiten zaio. Azalpen teorikoak, irakaste gomendioak eta ariketak tartekatzen dira. Josune Zabala da liburuaren egilea eta Olatz Bengoetxea koordinatzailea.

Hizkuntza Ekologiari buruzko saioa Hizkuntza Biziberritzeko Estrategiak Aditu Tituluaren ikastaroan

Irailaren 21ean egin zen, Aretxabaleta campusean, Garabide elkarteak eta Mondragon Unibertsitateko Humanitate eta Hezkuntza Zientzien Fakultateak 4. aldiz antolatutako Hizkuntza Biziberritzeko Estrategiak Aditu Tituluaren aurkezpena. Belen Urangak formazio-egitarauaren lehen moduluaren ardura du eta hizkuntza-ekologiaren oinarrien inguruko saioa eskaini die parte hartzeileei urriaren 2an Aretxabaletan.

Natxo Sorolla ikerlariarekin elkarlan egunak

Pasa den uztailaren 11tik 13ra Soziolinguistika Klusterrean izan da Natxo Sorolla doktorea, soziolinguistika katalanari buruzko ikertzailea. Aragoiko La Franja eskualdeko katalan hiztuna da eta interes berezia du pertsonen arteko harreman sareek hizkuntza gutxituen erabileran duten eraginean. Gai hau  lantzen du bereziki interneteko blogean: Xarxes socials i llengues. Esperientzia zabala du lurralde katalandunetan egin diren ikerketa soziolinguistikoetan eta hainbat unibertsitatetan dabil lanean.

Jendaurreko euskarazko komunikazioaz uda ikastaroa [KRONIKA]

Jendaurreko komunikazio egoeratan hizkuntzen erabileraren inguruan ikuspegi askotatik hausnartzeko aukera eman du uztailaren 9 eta 10ean Bilboko Bizkaia Aretoan egin den ikastaroak. Soziolinguistika Klusterrak Jendaurrean Erabili proiektuan lantzen diren gai eta edukien inguruan egituratu du EHUren Uda Ikastaroen baitan antolatutako egitaraua.

Pages