Big data eta soziolinguistika ikerketaren inguruko mintegia

Ots
21

Soziolinguistika Klusterreko bulego teknikoak urtean zehar egin ohi dituen barne-mintegien programaren baitan, Big data eta soziolinguistika ikerketaren inguruko saioa egin zen otsailaren 7an. Jordi Morales i Gras EHUko ikerlari eta Big data aholkularia izan zen mintegiaren gidaria.

Lau orduko saioan big dataren inguruko oinarrizko kontzeptuak eta sare sozialen azterketari buruzko zenbait ideia ezagutzeko aukera izan zen. Gainera, teknika hauek soziolinguistika ikerketan izan ditzaketen aplikazioen inguruan ere jardun zuten parte hartzaileek.

Gramatikaren Irakaskuntzari buruzko III. Nazioarteko Kongresua (Congram) Bartzelonan

Ots
6

Pasa den urtarrileko 23, 24 eta 25ean Bartzelonako Unibertsitate Autonomoko Hezkuntza Zientzien Fakultatean egin zen Gramatikaren Irakaskuntzari buruzko II. Nazioarteko Kongresua. Soziolinguistika Klusterreko Olatz Bengoetxeak eta Euskal Herriko Unibertsitateko Leire Diaz De Gereñu eta Ibon Manterolak panela aurkeztu dute "Gramática del oral en materiales didácticos destinados a la enseñanza de la lengua vasca como L2" izenburuarekin.
 

Aurkezpena irakasleen prestakuntzari buruzko Gasteizko nazioarteko mintegian

Urt
24

“Hizkuntza gutxituen irakasleen prestakuntza: Ahozko hizkuntza irakasteko trebetasunak eta baliabideak Teacher Training on Teaching Minority Language Oral Skills” mintegia egin zen Gasteizen pasa den urtarrilaren 18an. Euskal Herriko Unibertsitatea, Munduko Hizkuntza Ondarearen UNESCO Katedra eta ELEBILAB ikerketa taldeko kideek hizkuntza gutxituetako irakasleen prestakuntzaz hausnarketa egiteko gunea izan zen.

Herriko Etxeetako arduradunekin hizkuntza-lidergoaren inguruko saioa

Abe
19

Abenduaren 19an Izurako (Behe Nafarroa) Herriko Etxean hainbat udaletako hautetsiekin hausnarketa saio bat bideratu zen gai honekin: "Nolako lidergoa da enea? Herriko Etxeen arduradunen lidergoak eta aplikazioa hizkuntza gaietan".

Saioa Udalbiltzarekin batera antolatu genuen, Gipuzkoako Foru Aldundiak diruz lagundutako Eralan proiektuko emaitzak erabilita, eta Aurkene Redondo izan zen gidaria.

Besteak beste, galdera hauek aztertu ziren:

Fryske Akademyrekin bilera

Abe
19

Frisieraren akademia nagusia den Fryske Akademy erakundearen ordezkari Hans Van De Velde Soziolinguistika Klusterraren bulegoan izan da abenduaren 4an. Ikerlaria eta akademiako kudeaketa taldea Mikel Zalbide euskaltzainak lagunduta ibili da Euskal Herriko hainbat erakunderekin harremanak estutzen. Bileran bi erakundeen jardunaz eta proiektuak lankidetzan garatzeko aukerak aztertu zituzten.

Pages