Soziolinguistika Eskuliburua

Soziolinguistikari buruzko eskuliburu bat euskaraz idaztea Soziolinguistika Klusterrak sortu zenetik (Andoain, 2004) izan duen amets eta erronka nagusietako bat izan da; Soziolinguistika Klusterrarena eta bera osatzen duten bazkide guztiena.

Eta amets hori bete dugu jada. Badugu gure Soziolinguistika Eskuliburua, euskaraz eta euskaratik sortua. Soziolinguistika Klusterraren inguruan 30etik gora aditu bildu dira eta soziolinguistikaren nazioarteko oinarrizko teoria eta ikerketak eta horiek Euskal Herrian izan duten garapena jaso dituzte eskuliburuan.

Euskararen normalizazioan lanean ari den edonorentzako tresna baliagarria da Soziolinguistika Eskuliburua, hizkuntza egoeraren diagnosi aberatsagoa egiteko oinarri eta euskara indartzeko politikak eta egitasmoak modu eraginkorragoan diseinatzeko lagungarri.

Eusko Jaurlaritzako Kultura Sailak eta Gipuzkoako Foru Aldundiko Kultura eta Euskara Departamentuak diruz lagundu dute Soziolinguistika Eskuliburua sortzeko proiektua; hona hemen gure aitortza eta esker ona.

 

Nola eskuratu

Soziolinguistika Eskuliburuaren (ISBN: 978-84-613-6070-3) paperezko bertsioaren I. edizioa agortuta dago. Paperezko aleak erosi nahi badituzu, egin iezaguzu eskaera (kluster@soziolinguistika.org) eta kontuan hartuko dugu II. edizioa argitaratzeko erabakia hartzerakoan. Bien bitartean, Auñamendi Entziklopediak eskaintzen duen bertsio digitalera jo dezakezu (ikus beheko lotura).

 

 

 

 

 BABESLEAK: