Soziolinguistika Klusterrak VIII. Batzar Orokorra egin du

Eka
14

 


Bixente Zaraguetak, Aquariumeko presidenteak ongi etorria eman ondoren, Soziolinguistika Klusterrak, ekainaren 14an Donostiako Aquariumean egin du bere VIII. Batzar Orokorra. Batzar horretan parte hartu dute erakunde hauek: Emun Kooperatiba, Eusko Ikaskuntza, Topagunea, Artez Euskara Zerbitzua, Elhuyar Aholkularitza, AEK, Gipuzkoako Urtxintxa, Mondragon Unibertsitateko Humanitate eta Hezkuntza Zientzien Fakultatea, Gipuzkoa Donostia Kutxa, Bai Euskarari Ziurtagiriaren Elkartea eta Aztiker.
Estiñe Astorkia

 

Estatutuek Batzar Orokorrerako arautzen dituzten ohiko atal formalak aztertzeaz gain (aurreko urteko balorazioa, urteko plana eta aurrekontua, zuzendaritzaren osaketa…) Elkartearen estatutu berriak onartu eta Euskaltzaindia ohorezko bazkide izendatu da.

Gazteak eta euskara Gasteizen ikerketaren emaitzak

Eka
13
Emaitzen txosten osoa eta ikerketaren xehetasunak www.soziolinguistika.org/gasteizgazteak helbidean ikus daitezke.
Gasteizko gazteriaren profil soziolinguistikoan aldaketak eman dira eta ematen ari dira. Aldaketa horiek ulertu eta kontuan hartzen hastea, ezinbesteko zeregina da hizkuntza-plangintza egokia eta eraginkorra garatzeko. Abiatzeko unetik bi helbururi erantzun nahi izan dio 2011 eta 2012 artean egindako ikerketa honek:

"Soziolinguistika: kontzeptu nagusiak" ikastaroa UEUren uda ikastaroetan

Eka
11

<

UEU logoa

UEUren uda ikastaroen 2012ko eskaintzan "Soziolinguistika: kontzeptu nagusiak" ikastaroa antolatu du Soziolinguistika Klusterrak. Ikastaroa uztailaren 4 eta 5ean izango da Baionako Unibertsitatean. Arkaitz Zarraga izango da irakaslea eta soziolinguistikaren oinarrizko kontzeptu, ideia, teoria eta gaiak begien aurrean jartzea izango du helburutzat. Euskararen sustapenean dabilen jendarte sektorearentzat formazio interesgarria izan daitekeela ikusten da, 2008an egindako formazio premien azterketan identifikatutako behar bati erantzuten baitio, besteak beste.

HIZNET graduondokoan izena emateko epea zabalik

Eka
4

hiznet

2012/2013 ikasturterako HIZNET hizkuntza-plangintza graduondokoan izena emateko epea zabaldu da.

Graduondokoaren helburu zehatzak honako hauek dira:
  • Soziolinguistikaren oinarrizko ezagutza eskaintzea.
  • Hizkuntz egoeraren berri zehatza jaso ahal izateko beharrezkoak diren metodologiez eta teknikez janztea.
  • Hizkuntz egoera hobeto ulertzeko eta normalkuntzarako bidean hartu beharreko estrategiak finkatzeko lagungarriak diren oinarri teorikoak eskaintzea.
  • Euskararen normalkuntzaren plangintzarako metodologiez eta lanabesez janztea.
  • Hizkuntza gutxituei teknologia berrien eskutik datozkien erronkak eta eskaintzen zaizkien aukera berriak ezagutzea.
  • Euskararen egoeraren berri zehatza eskaintzea, eta baita Euskal Herriko gizarteak hizkuntzekiko eskaintzen dituen baldintzenak ere.

Graduondokoaren ezaugarri zehatzak eta izen-emateari buruzko informazioa http://hiznet.asmoz.org webgunean topa liteke.

Batzar Orokorra ekainaren 14an

mai
30

Soziolinguistika Klusterrak, datorren ekainaren 14an Donostiako Aquariumean egingo du bere VIII. Batzar Orokorra. Estatutuek Batzar Orokorrerako arautzen dituzten ohiko atal formalak aztertzeaz gain (aurreko urteko balorazioa, urteko plana eta aurrekontua, zuzendaritzaren osaketa…) atal berezi bat izango du: 2011ko Euskal Herriko Kaleetako Ahozko Hizkuntza-Erabileraren Neurketaren emaitzak aurkeztuko zaizkie bazkideei.

UEUren ikastaroetan izena emateko aukera zabalik; tartean Soziolinguistika ikastaroa.

mai
16
UEU uda ikastaroak

 

Udako Euskal Unibertsitateak urtero bezala, Udako Ikastaroen eskaintza zabala egin du aurtengoan. 40. edizioa izango da. 1972an antolatu ziren lehenengoz, eta harrezkero Unibertsitate mailako euskal irakasle eta ikasleen topaleku eta erreferentzia izan dira. Ikastaroen egoitza eta datak ondorengoak izango dira: EIBARREN ekainaren 26tik 29ra eta uztailaren 9tik 13ra; BAIONAN uztailaren 4tik 6ra eta IRUÑEAN uztailaren 16tik 18ra.

Aldahitz ikerketaren inguruko azalpenak Bizkaia Irratian.

mai
2
Aldahitz- Logoa

Bizkaia irratiko Lau Haizetara magazinean Aldahitz ikerketaren inguruko elkarrizketa egin zuten pasa den apirilaren 27an. Lanean hizkuntza-ohiturak aldatzeari buruzko azalpenak eman zituen Pablo Suberbiola Soziolinguistika Klusterreko kideak. Elkarrizketaren audioa eskuragarri dago, 12 minututan azalpen hauek entzun nahi dituenarentzat.

Euskaltzaindiak eta Soziolinguistika Klusterrak bost urterako lankidetza-hitzarmena sinatu dute

Mar
27

Euskaltzaindia-Klusterra sinadura

Gaur, martxoaren 30ean, Soziolinguistika Klusterrak eta Euskaltzaindiak bi erakundeen arteko lankidetza-hitzarmena sinatu dute Donostian, Gipuzkoako Foru Aldundian. Klusterraren izenean Jaime Altuna presidenteak sinatu du, eta Euskaltzaindiarenean Andres Urrutia euskaltzainburuak. Eurekin batera, Ibon Usarralde Klusterreko kudeatzailea eta Andres Iñigo Euskaltzaindiko Jagon sailburua izan dira.

V. Euskal Soziolinguistika Jardunaldiaren emaitzak

Ots
23

Pasa den ostiralean, Otsailak 24, egin zen Donostiako Eureka! museoan Euskal Soziolinguistika Jardunaldiaren bosgarren edizioa. Egun osoan zehar hitzaldiak, lan-saioak eta bestelakoak izan ziren, bertan bildutako teknikari, irakasle, ikerlari eta euskaltzaleek elkar topatu eta hausnarketan murgiltzeko. Aurtengoan, gaia honakoa izan zen: Kulturgintza euskararen garabidean.

Abian da Soziolinguistika Klusterraren hausnarketa estrategikoa

Ots
17

iparrorratza

2012-2014 urteetan zehar jarraitu beharreko norabidea definitu eta Klusterrak izan beharko lukeenaz hausnartzeko aukera emango duen ekimena da. Otsailetik maiatzera arte iraungo du prozesuak. Hainbat lan-saio burutuko dira bitarte horretan. Klusterraren inguruan biltzen diren bazkide, langile, kolaboratzaile, bezero, aliatu eta  erabiltzaileen iritziak eta proposamenak kontuan hartzeko bideak jarriko dira.

Pages