Bixente Zaraguetak, Aquariumeko presidenteak ongi etorria eman ondoren, Soziolinguistika Klusterrak, ekainaren 14an Donostiako Aquariumean egin du bere VIII. Batzar Orokorra. Batzar horretan parte hartu dute erakunde hauek: Emun Kooperatiba, Eusko Ikaskuntza, Topagunea, Artez Euskara Zerbitzua, Elhuyar Aholkularitza, AEK, Gipuzkoako Urtxintxa, Mondragon Unibertsitateko Humanitate eta Hezkuntza Zientzien Fakultatea, Gipuzkoa Donostia Kutxa, Bai Euskarari Ziurtagiriaren Elkartea eta Aztiker.

Estatutuek Batzar Orokorrerako arautzen dituzten ohiko atal formalak aztertzeaz gain (aurreko urteko balorazioa, urteko plana eta aurrekontua, zuzendaritzaren osaketa…) Elkartearen estatutu berriak onartu eta Euskaltzaindia ohorezko bazkide izendatu da.

<

UEUren uda ikastaroen 2012ko eskaintzan "Soziolinguistika: kontzeptu nagusiak" ikastaroa antolatu du Soziolinguistika Klusterrak. Ikastaroa uztailaren 4 eta 5ean izango da Baionako Unibertsitatean. Arkaitz Zarraga izango da irakaslea eta soziolinguistikaren oinarrizko kontzeptu, ideia, teoria eta gaiak begien aurrean jartzea izango du helburutzat. Euskararen sustapenean dabilen jendarte sektorearentzat formazio interesgarria izan daitekeela ikusten da, 2008an egindako formazio premien azterketan identifikatutako behar bati erantzuten baitio, besteak beste.

2012/2013 ikasturterako HIZNET hizkuntza-plangintza graduondokoan izena emateko epea zabaldu da.

• Soziolinguistikaren oinarrizko ezagutza eskaintzea.
• Hizkuntz egoeraren berri zehatza jaso ahal izateko beharrezkoak diren metodologiez eta teknikez janztea.
• Hizkuntz egoera hobeto ulertzeko eta normalkuntzarako bidean hartu beharreko estrategiak finkatzeko lagungarriak diren oinarri teorikoak eskaintzea.
• Euskararen normalkuntzaren plangintzarako metodologiez eta lanabesez janztea.
• Hizkuntza gutxituei teknologia berrien eskutik datozkien erronkak eta eskaintzen zaizkien aukera berriak ezagutzea.
• Euskararen egoeraren berri zehatza eskaintzea, eta baita Euskal Herriko gizarteak hizkuntzekiko eskaintzen dituen baldintzenak ere.

Graduondokoaren ezaugarri zehatzak eta izen-emateari buruzko informazioa http://hiznet.asmoz.org webgunean topa liteke.

Soziolinguistika Klusterrak, datorren ekainaren 14an Donostiako Aquariumean egingo du bere VIII. Batzar Orokorra. Estatutuek Batzar Orokorrerako arautzen dituzten ohiko atal formalak aztertzeaz gain (aurreko urteko balorazioa, urteko plana eta aurrekontua, zuzendaritzaren osaketa…) atal berezi bat izango du: 2011ko Euskal Herriko Kaleetako Ahozko Hizkuntza-Erabileraren Neurketaren emaitzak aurkeztuko zaizkie bazkideei.

Gaur, martxoaren 30ean, Soziolinguistika Klusterrak eta Euskaltzaindiak bi erakundeen arteko lankidetza-hitzarmena sinatu dute Donostian, Gipuzkoako Foru Aldundian. Klusterraren izenean Jaime Altuna presidenteak sinatu du, eta Euskaltzaindiarenean Andres Urrutia euskaltzainburuak. Eurekin batera, Ibon Usarralde Klusterreko kudeatzailea eta Andres Iñigo Euskaltzaindiko Jagon sailburua izan dira.

Pasa den ostiralean, Otsailak 24, egin zen Donostiako Eureka! museoan Euskal Soziolinguistika Jardunaldiaren bosgarren edizioa. Egun osoan zehar hitzaldiak, lan-saioak eta bestelakoak izan ziren, bertan bildutako teknikari, irakasle, ikerlari eta euskaltzaleek elkar topatu eta hausnarketan murgiltzeko. Aurtengoan, gaia honakoa izan zen: Kulturgintza euskararen garabidean.

2012-2014 urteetan zehar jarraitu beharreko norabidea definitu eta Klusterrak izan beharko lukeenaz hausnartzeko aukera emango duen ekimena da. Otsailetik maiatzera arte iraungo du prozesuak. Hainbat lan-saio burutuko dira bitarte horretan. Klusterraren inguruan biltzen diren bazkide, langile, kolaboratzaile, bezero, aliatu eta  erabiltzaileen iritziak eta proposamenak kontuan hartzeko bideak jarriko dira.