Soziolinguistikaz berripaperaren 19. zenbakia / 2008ko martxoa

Soziolinguistikaz berripapera word formatoan jaitsi nahi baduzu, sakatu hemen

 

AGENDA

Udako Euskal Unibertsitateak dagoeneko prestatu ditu 36. Udako Ikastaroak
Soziolinguistika Klusterrak aurtengo UEUko Udako Ikastaroetan ikastaro bat antolatuko du. Gaia "Euskararen legeak: esperientzia praktikoak eta aukerak" landuko. Hitzaldi magistralak eta teorikoak eman ezik, leku berezi bat eskainiko zaio ikasle parte hartzaileari, horrela profesionalak antolatutako 3 tailer izango dira.
Ikastaroa Baionan burutuko da uztailaren 15etik 16ra.
Informazio gehiago: http://www.ueu.org/courses/one?id=448&scope=public

Linguanet, lan munduko euskara planen inguruko ikastaroa
Asmoz Fundazioak, bosgarren urtez jarraian, Linguanet antolatu du, lan munduko euskara planen inguruko ikastaroa alegia. (www.sustatu.com)
Informazio gehiago: http://sustatu.com/1201686158?utm_source=newsletter&utm_medium=email
 

                                                 

EKIMENAK ETA KANPAINAK:

Euskaraz? Pozik gainera!
Hainbat dendari elkartu dira Legazpi, Zumarraga eta Urretxun Mintzalaguna ekimenaren bidez euren artean euskararen erabilera sustatzeko. Proiektuaren helburua beldurrak eta lotsak gainditu, eta euskaraz egiteko konfiantza hartzea da. (www.erabili.com)
Informazio gehiago: http://www.erabili.com/zer_berri/berriak/1204792658

Bikain ziurtagiria eskuratzeko eskabide epea zabalik
Enpresen munduan eta esparru sozio-ekonomikoan euskararen etengabeko normalizazioa ebaluatu eta egiaztatuko duen “Bikain Euskararen Kalitate Ziurtagiria” eskuratzeko prozedura abian da. Jaurlaritzak dagokion Agindua onartu ostean, eskabideak aurkezteko epea ere zabaldu da: 2008ko martxoaren 6tik 31raino luzatuko da. (www.erabili.com)
Informazio gehiago: http://www.erabili.com/zer_berri/berriak/1204792856

Hizkuntza politikari buruzko hausnarketa
Eusko Jaurlaritzako Hizkuntza Politikarako Sailburuordetzaren Euskararen Aholku Batzordeak hizkuntza politikari buruzko eztabaida bultzatuko du. Hainbat esparrutako 38 laguneko batzordeak bideratuko du hausnarketa. Orain arteko pausoak eta euskararen normalkuntzarako bidean etorkizunean eman beharreko urratsak jorratuko dituzte, besteak beste. (www.argia.com)
Informazio gehiago: http://www.argia.com/albistea.php?id=30696

Ikasgela eta normalizazioa bat eginik Karrajuan
Pasa den hilabetean jarri zuen martxan Kontseiluak "Elkarteetan euskaraz" izeneko kanpaina, izenak adierazten duenez, gure herrietako elkarte eta txokoetan euskararen erabilera sustatzeko asmoz. Ildo honetatik, Helduen Euskalduntzea eta Alfabatetzearekin lotutako gaiak lantzen duen "karrajua.org":http://karrajua.org/ blogean Kontseiluaren egitasmo hau euskara-ikasgeletara eramateko eta bertako jardunarekin uztartzeko ekimen interesgarri bat jarri da martxan. (www.sustatu.com)
Informazio gehiago: http://sustatu.com/1202379897?utm_source=newsletter&utm_medium=email

Eusko Jaurlaritzak, Generalitateak eta Galiziako Xuntak hizkuntz aniztasunaren adierazpena aurkeztuko dute
Eusko Jaurlaritzak, Kataluniako Generalitateak eta Galiziako Xuntak otsailaren 11ean hizkuntz aniztasunaren aldeko adierazpena aurkeztuko zuten Parisen, Expolangues azokan. Eusko Jaurlaritzak, euskarari buruzko informazioz gain, irakasteko eta ikasteko materiala, hiztegiak, jolasak, lan literarioak, itzulpenak eta eguneroko prentsa jarriko zituen ikusgai XXVI. Expolangues azokan. (www.argia.com)
Informazio gehiago: http://www.argia.com/albistea.php?id=30611

Kanboko Hizkuntza eta Kultura Topaketak sarean
Hizkuntza eta Kultura topaketak iragan dira Kanbon, “Hizkuntza politika eskualdeka, Estatuaren aldetik eta Europa mailan” gaiaren inguruan. "Aktak":http://www.eke.org/euskara/herri_hizkuntzak/topaketak_2007 oraindanik sarean dira EKE.org webgunean. (www.sustatu.com)
Informazio gehiago: http://sustatu.com/1201644525?utm_source=newsletter&utm_medium=email

Euskaltzaindia eta Euskararen Erakunde Publikoa: hitzarmen baten atarian
Urtarrilaren 24an sinatu zen Bilbon, Euskaltzaindiaren egoitza nagusian, Euskaltzaindiaren eta Euskararen Erakunde Publikoaren arteko hitzarmena. Horra hor urrats berria, euskara bera Lapurdi, Nafarroa Beherea eta Zuberoan indartzeko. Bistan da horrek ekarriko dituela euskararentzat, Iparraldean, abagune berriak. Horretarako sortu da, sortu ere, Euskararen Erakunde Publikoa, bertara bildu dituztela Frantziako botere publikoek euskarari buruzko ahalak.(www.erabili.com)
Informazio gehiago: http://www.erabili.com/zer_berri/muinetik/1201076637

IKERKETAK ETA AZTERKETA LANAK:

Kontseiluak udalerrien hizkuntza politikak neurtuko ditu bigarren aldiz 2011an
Euskararen Gizarte Erakundeen Kontseiluak 2011an Euskal Herri osoko hainbat udalerriren hizkuntza politika aztertu eta bigarren neurketa bat egin nahi du. Kontseiluaren ustez, "euskararen normalizazioan aurrera egiteko udalerrietan hizkuntza politika eraginkorrak izateak garrantzia handia dauka". Iaz egin zuten lehenengo neurketa 66 udalerritan eta bakar batek ere ez zuen gainditu Kontseiluak hizkuntza politika egokitzat duen 7 puntuko langa. Kontseiluaren helburua iazko emaitzak hobetzea da. Bigarren neurketa horretan, 66 udalerri horiez gain, interesa agertu duten beste hainbat udalerri ere aztertuko dira. Zestoan adibidez egin dute dagoeneko eta 7'2 puntu lortu ditu.
Informazio gehiago: http://www.kontseilua.org/udalenhizkuntzapolitika/

Eremu publikoan euskararen presentzia handiagoa da eremu pribatuan baino
Euskal Autonomia Erkidegoko hizkuntza-paisaiaren azterketak eman dituen emaitzak aurkeztu zituzten otsailean. Eusko Jaurlaritzako Hizkuntza Politikarako Sailburuordetzak. 2006 eta 2007 urteetan egindako azterketa horren arabera, euskararen erabilera dezente handiagoa da eremu publikoan eremu pribatuan baino. Bi eremuetan, euskararen presentzia handiagoa da idatziz ahoz baino. Beste bi ondorio nagusi eman ditu Erabili.com webgunean kontsulta daitekeen azterketak. Batetik, euskararen erabilera, batez ere ahozkoa, oso lotuta dagoela tokian tokiko errealitate soziolinguistikoarekin. Bestetik, administrazio desberdinen artean eta jarduera-sektore desberdinen artean ere alde esanguratsuak daudela. Esaterako, euskararen erabilera handiago da Eusko Jaurlaritzako administrazio nagusian Estatuko Administrazioaren menpe dauden establezimenduetan baino. (www.argia.com)
Informazio gehiago: http://www.erabili.com/zer_berri/berriak/1204175415

                                                                

SOZIOLINGUISTIKA KLUSTERRA

                                           

BAT soziolinguistika aldizkaria

Hurrengo zenbakia (66): Dosierra: -Teknologi berriak eta euskara

Azken zenbakia (65): Dosierra: - Euskal Herriko kulturak eta euskara

  • Hizkuntzaren araberako kultura (Joxe Manuel Odriozola)
  • Euskara eta euskal kultura 2020. Ipar Euskal Herriko gogoetak (Erramun Baxok)
  • Euskara eta euskal kultura, domina baten aurpegi biak (Anjel Lobera Revilla)
  • Nortasuna, kultura eta hizkuntza XXI. Mendeko Euskal Herrian (Iñaki Martinez de Luna eta Larraitz Mendizabal)
  • Kultura eta euskara Iparraldean: iritziak eta eskaintzaren azterketa (Lionel Joly)
  • Hizkuntzak enpresaren kulturan (Mikel Irizar)
  • Hizkuntza komunitateak eta kultura euskara elkarteen ikuspegitik (Karmen Irizar)
  • Euskararen sustapena kulturaren Euskal Planetik (Joxean Urdangarin)
  • Etorkinak eta kultura gutxituak (Robert Scarcia)
  • Hizkuntzen ekologia (Iñaki Martinez de Luna)
  • Hizkuntzen azterbideak, Iturriagaren argitan (Mikel zalbide)

    Harremanetarako: kluster@soziolinguistika.org

    Soziolinguistika Klusterraren I. Jardunaldia
    Soziolinguistika Klusterrak, Geroa bermatzeko, oraina ezagutu, jardunaldia antolatu zuen otsailaren 29an eta dagoeneko materiala webgunean dago, erabilgarri. Hitzaldietako aurkezpenen dokumentuak, bideoak eta argazkiak topatuko dituzu bertan: www.soziolinguistika.org/jardunaldia
    Gazteen proiektuko dinamikaren ondorioak laster zintzilikatuko ditugu.
    Informazio gehiago: http://www.soziolinguistika.org/jardunaldia/

    Soziolinguistika Klusterrak UEUko Udako Ikastaroetan ikastaro bat emango du
    Soziolinguistika Klusterrak aurtengo UEUko Udako Ikastaroetan ikastaro bat antolatuko du. Gaia "Euskararen legeak: esperientzia praktikoak eta aukerak" landuko. Hitzaldi magistralak eta teorikoak eman ezik, leku berezi bat eskainiko zaio ikasle parte hartzaileari, horrela profesionalak antolatutako 3 tailer izango dira.
    Ikastaroa Baionan burutuko da uztailaren 15etik 16ra.
    Informazio gehiago:http://www.ueu.org/courses/one?id=448&scope=publi

    Arrue Ikerketa programaren artikulua Language, Culture and Curriculum aldizkarian
    Multilingual Matters etxeak nazioartean argitaratzen duen Language, Culture and Curriculum aldizkariaren 21. zenbakian (2008ko martxoa) Iñaki Martinez de Lunak Arrue ikerketaren zuzendariak eta Pablo Suberbiola Klusterreko teknikariak egindako artikulua argitaratu da (Measuring student language use in the school context). Jasone Cenoz EHUko irakaslearen lankidetzari esker bideratu da, besteak beste, argitalpen hau, eta aldizkariaren zenbakiko artikulu guztiak euskararen ingurukoak dira.
    Informazio gehiago: http://www.multilingual-matters.net/lcc/021/1/default.htm

                                              

    ARGITALPENAK:

    Teaching Through Basque: Achievement and Challenges
    Teaching Through Basque: Achievement and Challenges Izenburua duen eta Jasone Cenoz eta Fred Geneseek idatzita duten Euskadiko Hezkuntzari buruzko liburu bat argitaratu du Mulilingual MAtters-ek.
    Informazio gehiago: http://books.google.com/books/multilingual_matters?id=L3J3vNTOzWAC&pg=PA188&dq=Teaching+Through+Basque:+Achievement+and+Challenges&sig=K0JaSd_KYvnAO3KM3KFUMGgWpro#PPP1,M1

    Xiberotarra Zuberera. Le dialect basque souletin
    Liburu bat zubereraren berri ematen duena: euskalkiaren historia, literatura, hizkuntza ezaugarriak, gainerateko euskalkiekiko berdintasun eta bereizgarriak, egoera soziolinguistikoa, biziarazten duten elkarte eta erakundeak
    Informazio gehiago: http://www.euskara.euskadi.net/r59-3693/eu/contenidos/libro/argit20_2_coyos_07_06/eu_coyos/argit20_2_coyos_07_06.html

    Piarres Lafitteri eskainitako liburua plazaratu dute
    Piarres Lafitteren ekintzabideak (1920-1944). Kultura jasoko euskaltzaleen sarearen baitan liburua aurkeztu dute Euskaltzaindiak eta Euskal Herriko Unibertsitateak (EHU), Amelia Hernándezen doktorego tesian oinarrituta.
    Informazio gehiago: http://www.erabili.com/zer_berri/berriak/1204284300

    Ama hizkuntzan
    Chang-Rae Lee idazleak “Native Speaker” (“Ama hizkuntzan”) izenburuko liburua argitaratu zuen orain dela urte batzuk; eleberri zoragarria izateaz gain, balio enpiriko ukaezineko dokumentu soziolinguistikoa ere bada.
    Informazio gehiago: http://www.erabili.com/zer_berri/muinetik/1203591192

                                                                 

    BESTELAKOAK

    Euskararen Hiztegia' eta 'Euskal Gramatika' Interneten
    EHUko Euskara Institutuak Egungo Euskararen Hiztegia eta Sareko Euskal Gramatika lanak Interneten jarriko ditu kontsultagai. Hiztegiaren zati txiki bat –f, g eta h letrak– sareratu dute jada (www.ehu.es/eeh), eta gainerako eduki guztia hurrengo sei urteetan eskainiko dute apurka-apurka. Gramatika lantzen otsailean hasiko dira. Pello Salaburu, Ibon Sarasola eta Patxi Goenaga EHUko katedradunak dira hizkuntzari buruzko entziklopedia izan nahi duen proiektuaren zuzendariak. Fonetika, fonologia, morfologia, lexikografia, euskararen historia eta beste hainbat gai jorratuko dituzte, eta testuez gain grabazioak, mapak eta argazkiak kontsultatu ahal izango dira. (www.argia.com)
    Informazio gehiago: www.ehu.es/eeh

    2007ko balantzea: 1.520 entitate Ziurtagiriaren Elkartearen parte
    Ziurtagiriaren Elkarteak Bai Euskarari Ziurtagiriaren 2007ko balantzea plazaratu du. "Iazko datuek begi-bistan utzi dute Bai Euskarari Ziurtagiriarekiko fideltasuna oso handia dela, izan ere, entitateen % 92 inguruk berriztatzen du urtez urte", adierazi du Rober Gutiérrezek, Ziurtagiriaren Elkarteko zuzendariak. (www.erabili.com)
    Informazio gehiago: http://www.erabili.com/zer_berri/berriak/1203331998

    Elkarteetan euskararen erabilera bermatzeko kanpaina abiatu du Kontseiluak
    Euskararen Gizarte Eragileen Kontseiluak elkarteei bideraturiko kanpaina jarri du martxan. Hainbat herritar eta elkarteri dozena erdi galdera biltzen dituen Zein da euskararen egoera zure elkartean? inkesta bidali diete, egoeraren diagnosi bat egin eta euskararen erabilera bermatuko duten neurriak zehaztu ahal izateko. (www.argia.com)
    Informazio gehiago: http://www.argia.com/albistea.php?id=30443

    Unibertsitate euskaldun, herritar eta nazional berri baterako hitzarmena
    Udako Euskal Unibertsitateak (UEU), Kontseiluak eta Nazio Eztabaida Guneak bat egin dute Euskal Herriak behar-beharrezkoa duen proiektu berri bat abian jartzeko: Euskal Unibertsitatea. (www.erabili.com)
    Informazio gehiago: http://www.erabili.com/zer_berri/berriak/1202830036

    Katalana ofizial Ipar Katalunian
    Iazko abenduaren 10ean onartu zuen Frantziako Ekialdeko Pirinioetako Kontseilu Orokorrak La Carta del catalá. Erabaki horren arabera, katalana ofiziala izango da departamendu horretan eta beraz, balio hori izango du Ipar Katalunian. Albistea Vilaweb webgune katalanak zabaldu du eta azpimarratu du albiste hori isilean igaro dela orain arte, nahiz eta gertaera historikoa den elkarte eta erakunde katalan askorentzat. Kontseilu Orokorrak hiru eremutan ditu eskuduntzak: errepideak, gizarte zerbitzuak eta eskolak. Sinatutakoaren arabera, Institut d’Estudis Catalans-en (Katalanaren Akademia) esanetara legoke Kontseilua hizkuntza kontuetan. Bestalde, Kontseiluaren lana izango da katalan hizkuntza zein kultura transmititzea, biziraupena ziurtatzea, edonolako esparru publikotan katalana presente izatea eta ikasgela elebidunak irekitzea. (www.argia.com)
    Informazio gehiago: http://www.vilaweb.cat/www/noticia?p_idcmp=2724864

    Abokatuak euskalduntzeko programa abian jarri du Jaurlaritzak
    Eusko Jaurlaritzako Justizia Sailak eta Legelarien Euskal Kontseiluak sinatutako akordioari esker, Arabako, Bizkaiko eta Gipuzkoako abokatuek aukera dute Jaurlaritzak antolatu dituen doako euskara ikastaroetan parte hartzeko. Dagoeneko ikastaroak martxan dira eta 21 taldetan banatuta daude. Bizkaian 11 talde osatu dira, Gipuzkoan 6 eta Araban 4. Guztira 500 funtzionario ari dira ikastaro hauetan parte hartzen. Gainera 45 epaile, 24 fiskal eta 42 idazkari judizial ere euskalduntze prozesuetan murgilduta daude. Bestalde, Justizia Sailean erabiltzen diren dokumentuetan euskararen erabilera nabarmen igo dela ere azpimarratu dute. (www.argia.com)
    Informazio gehiago: http://www.argia.com/albistea.php?id=30849

    Ipar Euskal Herrian euskara sustatzeko laguntzak
    Eusko Jaurlaritzako Kultura Sailak eta Ipar Euskal Herriko Euskara Erakunde Publikoak Ipar Euskal Herrian euskara sustatzeko diru-laguntza deialdia kaleratu dute elkarlanean. Erakunde pribatuek egin ditzakete eskabideak, martxoaren 21era arteko epearekin. Deialdian parte hartzeko eskabide txostena Euskararen Erakunde Publikoari eskatu behar zaio, Baionako bulegoan, edo posta elektronikoz. (www.sustatu.com)
    Informazio gehiago: http://www.euskara.euskadi.net/r59-738/eu/contenidos/nota_prensa/iparralde_diru_laguntzak_08/eu_hps/iparralde_diru_laguntzak_08.html