Argitaratu da “ARNASGUNEAK. ETORKIZUNEKO ERRONKAK” izeneko BAT Soziolinguistika Aldizkariaren 110 monogafikoa. 2017ko urrian UEMAk eta Soziolinguistika Klusterrak elkarlanean antolatutako Euskal Soziolinguistika Jardunaldiko zenbait aurkezpen daude zenbaki honetan bildutako artikuluen jatorrian. Euskararen biziberritzean zeresan handia duten beste zenbait adituren ekarpenekin batera, honako sorta osatu dute artikuluok:

Soziolinguistika Klusterraren 2018ko jarduera laburbiltzen duen txostena ikusgai dago webgunean. 36 orrialdetan jaso dira erakundearen osaera eta funtzionamenduari buruzko oinarrizko informazioa, proiektuetan 2018an emandako urratsen azalpenak eta nazioartean zein Euskal Herrian soziolinguistikaren eremuan izandako parte hartzeak eta egindako harremanak.

Joan den martxoaren 26an Galesko Coleg Cymraeg Cenedlaethol erakundeko arduradunak Soziolinguistika Klusterreko bulegoan izan ziren. Administrazio publikoarekiko eta unibertsitateekiko independentea da erakunde hau eta unibertsitate esparruko hizkuntza-plangintzaren ardura du bere sorreratik. Orain, erronka berri baten aurrean aurkitzen dira: Lanbide Heziketako ikastetxeen hizkuntza-plangintzaren ardura gehitu diote bere zereginei.

Valladoliden, martxoaren 27tik 29ra bitartean egin den AESLA Hizkuntzalaritza kongresuaren Soziolinguistika atalean aurkeztu du Belen Urangak Gipuzkoako Hizkuntzen mapa.

Hiru urtez ikerketa esperimentala egin da Araba, Bizkaia eta Gipuzkoako bost kirol-klubetan. 10 eta 16 urte arteko kirolari gazteen eta haien entrenatzaileen hizkuntza-portaerak eta bizipenak hurbiletik ezagutzeko aukera eman du proiektuak. Soziolinguistika Klusterraren proiektua izan da, eta lankidetzan garatu da UPV/EHUko ikerlariekin, Urtxintxarekin eta Euskaltzaleen Topagunearekin. Gipuzkoako Foru Aldundiak zein Eusko Jaurlaritzak proiektua babestu dute eta zuzeneko partaidetza izan dute.

2019ko martxoaren 28a, osteguna.
Martin Ugalde Kultur Parkea, Andoain

Euskal soziolinguistikaren garapena aitortu eta eskertu dio, horrela, Eusko Ikaskuntzak, martxoaren 13an Donostiako Miramar Jauregian ospaturiko ekitaldian. Bertan, Itsaso Olaizolak eta Belen Urangak egin diote eskaintza hitzak.

Hizkuntza normalizazio prozesuan gazteak giltzarri. Donostiako Udala, Euskal Herriko Unibertsitatea eta Soziolinguistika Klusterra hezkuntzaren esparruan eta gazteen artean euskararen erabilera soziala bultzatzeko elkarlanean

Azken galde-sorta hau aurreko biak (Euskaraldiaren aurretik eta ondoren) bete zituztenek bete beharrekoa da.Soziolinguistika Klusterra Euskaraldiaren eragina eta ondorioak aztertzen ari da lan honen bidez. Uda osterako espero dira ikerketaren emaitzak eta hainbat gune eskainiko dira hauek aurkeztu eta interpretatzeko.

Otsailaren 25 eta 26an Cardiffeko Urdd Centre gunean gazteen artean hizkuntza gutxituen erabilera sustatzeko egitasmoen ebaluazioari buruzko mintegia egin zen, Aberystwyth-eko Unibertsitateak, Wiserd eta Galeseko Gizarte eta Politikarako Zentroak antolatuta. Nagusiki Gales, Eskozia eta Irlandako ikerlari eta profesionalei zuzendutako lantegian, ebaluazioari buruzko eztabaida eta hausnarketa egin da.